عارفانہ کلام حمد نعت منقبت
نہ کیوں نثار کروں تمؐ پہ جاں رسول اللہؐ
تمؐ ہی تو ہو مِرے اک پاسباں رسول اللہؐ
تمہارے نام سے دل کو قرار ملتا ہے
تم ہی سے ہیں مرے دونوں جہاں رسول اللہؐ
جو آپﷺ آئے تو دنیا مہک اٹھی ساری
نہ دیکھا ایسا کوئی باغباں رسول اللہؐ
تمہارے در سے ہمیں ٹھنڈی چھاؤں ملتی ہے
کہاں ہے ایسا کوئی سائباں رسول اللہؐ
یوں ہی نہیں تمہیں محبوب کہہ دیا اُس نے
ملانہ تم سا کوئی رازداں رسول اللہؐ
یہ نعت کافی ہے بخشش کو اے مرے آقا
لگے ہیں اس میں مرے قلب و جاں رسول اللہؐ
مری بساط ہی کیا ہے جو کر سکوں سُنبل
تمہارے وصف کا از خود بیاں رسول اللہ
صبیحہ سنبل
No comments:
Post a Comment