عارفانہ کلام حمد نعت منقبت
یہ سر ہے صدقہ نبیؐ کا اتارنے کے لیے
یہ زندگی ہے محمدﷺ پہ وارنے کے لیے
یہ دل ہے یادِ نبیؐ سے سنوارنے کے لیے
ذباں ہے ہر گھڑی انؐ کو پکارنے کے لیے
حیات عشق میں انؐ کے گزاریے ایسے
وہؐ خود ہی آئیں لحد میں اتارنے کے لیے
سکوں نہیں ہے میسر جنہیں، بتاؤ انہیں
نبیؐ کا ذکر ہے سینوں کو ٹھارنے کے لیے
میں اس یقین سے انؐ پر درود پڑھتا ہوں
سہارا دے گا یہ ُپل سے گزارنے کے لیے
فقط حروف ملا کر تو نعتﷺ بنتی نہیں
ادب ضروری ہے نعتیں نکھارنے کے لیے
درِ بتولؑ سے باسط نہ بھیک کیوں مانگے
بنا ہے در یہی دامن پسارنے کے لیے
باسط علی حیدری
No comments:
Post a Comment