ہم اہلِ ظرف کہ غم خانۂ ہنر میں رہے
سفالِ نم کی طرح دستِ کوزہ گر میں رہے
ہے چاک چاک رقم داستانِ گردشِ خاک
نمودِ صورتِ اشکال کیا نظر میں رہے
فرار مل نہ سکا حبسِ جسم و جاں سے کہ ہم
کسی کو ربطِ مسلسل کا حوصلہ نہ ہوا
مثال دُودِ پریشاں ہم اپنے گھر میں رہے
نہ ہم شرارِ دلِ سنگ تھے نہ رنگِ حنا
سخن کی آگ بنے حرفِ تازہ تر میں رہے
نہ سنگ میل تھا کوئی، نہ کوئی نقشِ قدم
تمام عمر ہوا کی طرح سفر میں رہے
سحر انصاری
No comments:
Post a Comment