یادِ غَزال چشماں، ذکرِ سمن عذاراں
جب چاہا کر لیا ہے کُنجِ قفس بہاراں
آنکھوں میں درد مندی، ہونٹوں پہ عُذر خواہی
جانانہ وار آئی شامِ فراقِ یاراں
ناموسِ جان و دل کی بازی لگی تھی ورنہ
مجرم ہو خواہ کوئی، رہتا ہے ناصحوں کا
رُوئے سخن ہمیشہ سُوئے جگر فگاراں
ہے اب بھی وقت زاہد، ترمیمِ زُہد کر لے
سُوئے حرم چلا ہے انبوہِ بادہ خواراں
شاید قریب پہنچی صبحِ وصال ہمدم
موجِ صبا لئے ہے خوشبوئے خوش کناراں
ہے اپنی کِشتِ ویراں، سر سبز یقیں سے
آئیں گے اِس طرف بھی اِک روز ابر و باراں
آئے گی فیضؔ اِک دن بادِ بہار لے کر
تسلیمِ مے فروشاں، پیغامِ مَے گُساراں
فيض احمد فيض
No comments:
Post a Comment