سلگتے چیختے منظر سے کیسے دور رہوں

 سُلگتے چیختے منظر سے کیسے دُور رہُوں

رہوں الگ بھی تو اندر سے کیسے دور رہوں

فضا تو خود ہی ابھی ہے سُلگتے نیزوں پر

بتا کہ ایسے میں منظر سے کیسے دور رہوں

مجھے بنایا گیا آئینہ 𓑀 محبت 💖 سے

اب اس کے بعد بھی پتھر سے کیسے دور رہوں

میں اپنی ذات سے کر لوں گا اِنحراف، مگر

بتا تو مُجھ کو تِرے در سے کیسے دور رہوں

ہے میری ذات ہی ایسی کہ پھیل جائے گی

بھنور ہوں میں بھی سمندر سے کیسے دور رہوں

ہوائے وقت کی یورش سے باخبر ہوں اثر

کوئی بتائے مُجھے گھر سے کیسے دور رہوں

ایم کے اثر

محمد خدادین