بھُوکے بچوں کے نوالوں میں نظر آتی ہے
زندگی ہاتھ کے چھالوں میں نظر آتی ہے
اپنی اُنگلی سے زمانے کو نچانے والے
تیری دُنیا بھی وبالوں میں نظر آتی ہے
تیرے بارے میں جو سوچوں تو کبھی اے جاناں
تیری تمثیل غزالوں میں نظر آتی ہے
وہ جو رکھتا ہے مسِیحا کی طبیعت کا خیال
زندگی اُس کی اُجالوں میں نظر آتی ہے
شاخِ صندل پہ سیاہ ناگ کی صُورت دُنیا
کیوں میرے چاہنے والوں میں نظر آتی ہے
جانے کس بات کا عرفان ہُوا ہے اُس کو
وہ جو ہر وقت خیالوں میں نظر آتی ہے
عرفان شاہ نوری
محمد عرفان عبدالمناف پٹیل
No comments:
Post a Comment