عارفانہ کلام حمد نعت منقبت
لازم ہے اے دل اس کی غلامی
جس کا محمدﷺ ہے نامِ نامی
قوسین ادنیٰ منزل ہے جس کی
ہے عرشِ اعلیٰ جس کا سلامی
تخلیقِ اوّل،۔ تکمیلِ آخر
شہکارِ قُدرت ذاتِ گرامی
ہر قول جس کا ہے حرفِ آخر
ہر حُکم پر ہے مہر دوامی
خلوت نشیں و محبوبِ یزداں
روح الامیںؑ ہے جس کا پیامی
کردار ایسا بعثت سے پہلے
دُشمن بھی جس میں پائے نہ خامی
اس کی حکومت حشر تا ابد تک
سب کی حکومت آنی مقامی
اس کی شریعت اس کی حکومت
یہ بھی دوامی، وہ بھی دوامی
مُجھ سے کہاں ہو نعتِ پیمبرﷺ
اس کے لیے تھے قُدسی و جامی
منور عباس شہاب
شہابِ ثاقب
No comments:
Post a Comment