کُچھ دن اگر یہی رہا دِیوار و در کا رنگ
دِیوار و در پہ دیکھنا خُونِ جِگر کا رنگ
💢بھُولا نہیں ہوں مقتلِ اُمید کا سماں
تحلیل ہو رہا تھا شفق میں سحر کا رنگ
دُنیا غریقِ شعبدۂ جامِ🍷جَم ہوئی🍷
دیکھے گا کون خُونِ دلِ کُوزہ گر کا رنگ
اُلجھے ہُوئے دُھوئیں کی فضا میں ہے اک لکِیر
کیا پُوچھتے ہو شمع 🕯 سرِ رہگُزر کا رنگ❤
دامانِ فصلِ گُل پہ خزاں کی لگی ہے چھاپ
ذوقِ نظر پہ بار ہے برگ و ثمر کا رنگ
جمنے لگی شکیب جو پلکوں پہ گردِ شب
آنکھوں میں پھیلنے لگا خوابِ سحر کا رنگ
شکیب جلالی
No comments:
Post a Comment