عارفانہ کلام حمد نعت منقبت
تاجدارِ حرم ہو نگاہ کرم ہم غریبوں کے دن بھی سنور جائیں گے
ہادئ بیکساں کیا کہے گا جہاں آپؐ کے در سے خالی اگر جائیں گے
خوفِ طوفاں کہیں بجلیوں کا ہے غم سخت مشکل ہے آقاؐ کہاں جائیں ہم
آپؐ بھی گر نہ لیں گے ہماری خبر ہم مصیبت کے مارے کدھر جائیں گے
در پہ ساقیٔ کوثرﷺ کے پینے چلو،۔۔ مے کشو آؤ آؤ مدینے چلو
یاد رکھو اگر اُٹھ گئی وہ نظر جتنے خالی ہیں سب جام بھر جائیں گے
کوئی اپنا نہیں غم کے مارے ہیں ہم آپؐ کے در پہ فریاد لائیں ہیں ہم
ہو نگاہِ کرم ورنہ چوکھٹ پہ ہم آپؐ کا نام لے لے کے مر جائیں گے
آپؐ کے در سے کوئی نہ خالی گیا اپنے دامن کو بھر کے سوالی گیا
ہو پیام حزیں پر بھی آقاﷺ کرم ورنہ اوراق ہستی بکھر جائیں گے
پیام سیہالوی
محمد شفیق
No comments:
Post a Comment