جیسے کسی کا حرفِ محبت مِری غزل
یعنی مِرے خلوص کی نُدرت مری غزل
ظُلمت کدوں میں چاند کی مانند روشنی
تشنہ لبوں کے واسطے راحت مری غزل
میداں میں آ کے نوش تو فرمائیے جناب
چھلکا رہی ہے جامِ شہادت مری غزل
سینہ سِپر ہے حق کی حمایت کے واسطے
ظالم کے سامنے ہے بغاوت مری غزل
تم کو تلاش ہے کسی عمدہ کلام کی
اہلِ سخن! لو کر دی عنایت مری غزل
جل بھُن کے دیکھیے وہ تو بیٹھا ہے اک طرف
کر بیٹھی ایسی ویسی شرارت مری غزل
حسرت، جگر کی، داغ کی، جوہر انیس کی
غالب کے فکر و فن کی روایت مری غزل
عبدالخالق انیس بھٹکلی
No comments:
Post a Comment