تو بے رخی سے سہی ہم سے ہمکلام تو ہے

 تُو بے رخی سے سہی ہم سے ہمکلام تو ہے

تِرے حیسن لبوں پہ ہمارا نام تو ہے

تُو دیکھتے ہی جھکا لیتا ہے نگاہوں کو

تِری نظر میں مِرا اتنا احترام تو ہے

یہ اور بات کے ملتے نہیں ہیں ہم دونوں

ہمارے بیچ میں لیکن دعا سلام تو ہے

جو چاہے آ کے بجھائے وہ تشنگی اپنی

تمہاری بزم میں اس قدر اہتمام تو ہے

تمہارى یاد کی تنویر سے اے جانِ اسد

شمع کی طرح سے روشن ہماری شام تو ہے

اسد ہاشمی