دکھوں میں رنگِ طرب سلامت تو سب سلامت

 دکھوں میں رنگِ طرب سلامت تو سب سلامت

چراغِ امکانِ شب سلامت تو سب سلامت

خوشی نکلنے لگی ہے ہاتھوں سے، غم نہیں ہے

اگر خوشی کا سبب سلامت، تو سب سلامت

میں کیوں کہوں میرا سخت نقصان ہو گیا ہے

تمہاری یادیں ہیں جب سلامت تو سب سلامت

اسے یہ کہنا بچھڑنے والے، بچھڑ بھی جائیں 

وفا برتنے کا ڈھب سلامت تو سب سلامت

برے دنوں میں ہماری حالت ہو یار، جو بھی

تمہارے رخسار و لب سلامت تو سب سلامت

کومل جوئیہ