حسن وہ با کمال ہو جیسے

 حسن وہ با کمال ہو جیسے

آنکھیں مثلِ غزال ہوجیسے

کہتے کہتے وہ رک گئے فوراً

لب پہ کوئی سوال ہو جیسے

وہ مجھے دیکھتے رہے اس طرح

دل میں شوقِ وصال ہو جیسے

شہر بھر میں اے میری جانِ حیات

اک تُو ہی بے مثال ہو جیسے

گم سا ہو جاتا ہوں خیالوں میں

بس اسی کا خیال ہو جیسے

ہم سے پوچھو نہ ہجر کی باتیں

ایک پل ایک سال ہو جیسے

ہم کبھی ایک ہو نہیں سکتے

خواب ہی اب وصال ہو جیسے

اس طرح دیتا ہوں اسے آواز

زندگی کا سوال ہو جیسے

ریزہ ریزہ ہوا ہے دل میرا

کوئی آیا زوال ہو جیسے

اس کے اشکوں سے ہوتا ہے اظہار

فرقتوں کا ملال ہو جیسے

کہہ رہا ہے یہ دل تِرا مہتاب

اب تو جینا وبال ہو جیسے

بشیر مہتاب