جشنِ قربِ یار کا دل پر نشہ رہ جائے گا
شب گزر جائے گی لیکن رت جگا رہ جائے گا
پھول ہے تو میرے دل کا اور میں خوشبو تری
شاخ سے ٹوٹے اگر دونوں میں کیا رہ جائے گا
میں تو سمجھا تھا گلے ملنے سے دل مل جائیں گے
ہم کہاں بھولیں گے اپنے دل کے ارمانوں کا خون
یاد بن کر آپ کا رنگِ حنا رہ جائے گا
تھک کے گر ہی جائے گی رقاصۂ تہذیبِ نو
مور جنگل کا ہمیشہ ناچتا رہ جائے گا
جل بجھے گی ایک دن قندیلِ قصرِ آگہی
ضوفشاں لیکن چراغِ مۓ کدہ رہ جائے گا
اب نہیں اس شہر پر خاورؔ نزولِ دوستی
ہاتھ جو تو نے بڑھایا ہے بڑھا رہ جائے گا
خاور زیدی
No comments:
Post a Comment