ساعت وصال یار کی یوں ہے نگاہ میں

ساعت وصالِ یار کی یوں ہے نگاہ میں

جیسے معاً کہیں سے اضافہ ہو جاہ میں

اترے تھی صحنِ شوق میں جو بامِ یار سے

تھا کیا سرور اس نگہِ گاہ گاہ میں

دیکھا نہ زندگی میں پھر ایسا کوئی نشیب

کیا دلکشی تھی اس کے زنخداں کے چاہ میں

کیا پھر سے رخشِ قلب و بدن بے عناں ہوا

ہے کھلبلی سی کیوں، یہ جنوں کی سپاہ میں

ایندھن بِناں رواں کوئی پہیہ نہ ہو سکا

تھا بے رسد جو رہ گیا آخر کو راہ میں

اچھا ہوا جو اس سے ہو ماجؔد بچے رہے

آخر دھرا ہی کیا ہے فقط واہ واہ میں

ماجد صدیقی