مجھے آرزو تھی جس کی وہ پیام آ گیا ہے

مجھے آرزو تھی جس کی وہ پیام آ گیا ہے 

میرے دل کی دھڑکنوں میں تِرا نام آ گیا ہے 

یہ کہاں نصیب میرے کہ تو آپ چل کے آتا 

کوئی جذبۂ محبت میرے کام آ گیا ہے 

مجھے کر گیا ہے رسوا تیرا بے رخی سے ملنا 

جو چھپا تھا راز دل میں سرِ عام آ گیا ہے 

میں کروں جو پیار تجھ سے تو بُرا نہ مان لینا 

جہاں دل رہے نہ بس میں وہ مقام آ گیا ہے

حمایت علی شاعر

اس گیت کو قتیل شفائی سے بھی منسوب کیا جاتا ہے، کوئی صاحبِ علم دوست اس سلسلے میں رہنمائی کرے تو مشکور ہوں گا۔