عارفانہ کلام حمد نعت منقبت
پائیں ضیا ادھر ہو اگر جان جاں کا رُخ
تکتے ہیں مہر و ماہ شہ دو جہاں کا رخ
بستر کی سلوٹیں نہ گئیں اتنی دیر میں
لوٹ آئے کر کے میرے نبیؐ لامکاں کا رخ
خوش ہوں بہت نصیب کی کلیاں کھلی ہیں آج
دل نے کیا ہے آج تِرے گلستاں کا رخ
للہ چشم لطف و عنایات کیجیے
آقا حضورؐ میں بھی بنوں شادماں کا رخ
کر کے گدائی اہل دول کی نہ کچھ ملا
تنگ آ کے کر لیا ہے تِرے آستاں کا رخ
تاریک وادیوں کو منور بنا دیا
تنویر بانٹتا ہے مِرے مہرباں کا رخ
صابر کو ہے تلاش کہ شاید کبھی ملے
شفقت بھرا ہوا کسی مہرباں کا رخ
صابر علی قریشی
No comments:
Post a Comment