ستم گری کا ہر انداز محرمانہ لگا
میں کیا کروں مِرا دشمن مجھے برا نہ لگا
ہر اک کو زعم تھا کس کس کو ناخدا کہتے
بھلا ہُوا کہ سفینہ کنارے جا نہ لگا
مِرے سخن کا قرینہ ڈبو گیا مجھ کو
برونِ در نہ کوئی روشنی نہ سایا تھا
سبھی فساد مجھے اندرونِ خانہ لگا
میں تھک گیا تھا بہت پے در پے اڑانوں سے
جبھی تو دام بھی اس بار آشیانہ لگا
ستم کے عہد میں میں بھی شریک ہوں جیسے
مِرا سکوت مجھے سخت مجرمانہ لگا
وہ لاکھ زود فراموش ہو فرازؔ مگر
اسے بھی مجھ کو بھلانے میں اک زمانہ لگا
احمد فراز
No comments:
Post a Comment