کسی کی سمت رہے رات پرفشاں مرے خواب

کسی کی سمت رہے رات پرفشاں مِرے خواب 

ستارے پھول ہوئے اور تتلیاں مرے خواب

یہ کیا سفر ہے کہ جس کا کوئی قیام نہیں 

زرا قدم جو رکے تو ہوئے رواں مرے خواب

غبار تھا، میں سدا کارواں سے دور رہا 

کہ شعلہ شعلہ تھی منزل دھواں دھواں مرے خواب

یہ ماند ہوتے ہوئے راستے چمکنے لگے 

مٹے نہیں ہیں ابھی تک مِرے نشاں مرے خواب

صیلبِ ہجر سے پیہم جو اشک اترتے ہیں

ہوۓ انہی کی روانی سے بیکراں مرے خواب

خیالِ زلف کے زلفِ خیال ہونے تک 

لیے پھری ہے ہر موجِ سرگراں مرے خواب

وہ سنگ زاد کہ آئینہ بھی مرے دل کا 

سو خود بھی ٹوٹے، کرے جب بھی کرچیاں مرے خواب

جاوید احمد