نِگہِ شوق کو یوں آئینہ سامانی دے
عشق کو حسن بنا حسن کو حیرانی دے
دلنوازی میں بھی ایذا ہے محبت کی قسم
تجھ کو فرصت جو کبھی شغلِ ستم رانی دے
کچھ تِری چشمِ سخن ساز کا ایما نہ کھلا
آئینہ سنگ در دست ہُوا بھی تو کیا
سر جو سجدے میں جھکے، لَو تِری پیشانی دے
اس کی انگڑائی کا عالم تو کبھی دیکھ اے گل
اور ہی حسن تِری چاک گریبانی دے
آؤ شیرازۂ ہستی کو پریشاں کر دیں
یوں کہ اس زلف کو پیغامِ پریشانی دے
تیری سرکار غنی، تیرا گدا بھی ہے غنی
کچھ نہ دے اور جو دے غم کی فراوانی دے
اس توقع پہ ہوں خاموش کہ وہ شوخ نگاہ
پھر ٹہوکا پئے تقریبِ غزل خوانی دے
اثر لکھنوی
No comments:
Post a Comment