دھواں اٹھنے لگا جب دشتِ جاں سے
نہ جانے آ گئے بادل کہاں سے
پرندے اڑ گئے شاخِ صدا کے
معانی گم ہوئے لفظ وبیاں سے
نہ جانے کیوں اچانک بڑھ گیا ہے
سبھی انصار غائب ہو گئے ہیں
ہماری ہجرتوں کے درمیاں سے
یقیں کی بستیاں بھی مل گئی ہیں
گزر جب بھی ہوا دشتِ گماں سے
کہیں حیران آنکھیں کھو نہ جائیں
اٹھا پردے نہ اتنے درمیاں سے
جہاں پر ختم ہوتی ہے کہانی
نکلتا ہے نیا قصہ وہاں سے
منظور ہاشمی
No comments:
Post a Comment