جان کے جی ميں سدا جينے کا ارماں ہی رہا

جان کے جی ميں سدا جينے کا ارماں ہی رہا

دل کو بھی ديکھا کيے، یہ بھی پريشاں ہی رہا

بعد مردن بھی خيالِ چشمِ فتاں ہی رہا

سبزۂ تربت مِرا، وقف گلستاں ہی رہا

ميں ہميشہ عاشقِ پيچيدہ موباں ہی رہا

خاک پر روئيدہ ميرے عشق پيچاں ہی رہا​

پستہ قدمی ہے کام غير ميں وہ لعل لب

پر مِرے حق ميں تو سنگ زير دنداں ہی رہا​

بندھ سکا مضمون نہ ہم سے اس دھانِ تنگ کا

ہاتھ اپنا فکر ميں زير خنداں ہی رہا​

پاؤں کب نکلے رکابِ حلقۂ زنجير سے

توسنِ وحشت ہمارا گرم جولاں ہی رہا​​

کب لباسِ دنيوی ميں چھپتے ہيں روشن ضمير

خانہ فانوس ميں بھی شعلہ عرياں ہی رہا​

آدميت اور شے ہے علم ہے کچھ اور شے

کتنا طوطے کو پڑھايا پر وہ حيواں ہی رہا​

جلوہ اے قاتل! اگر تيرا نہيں حيرت فزا

ديدۂ بسمل نے کيا ديکھا کہ حيراں ہی رہا​

حلقۂ گيسو بے ديکھی کس کے رخسار کی تاب

شب مہ ہالہ نشين سرور گریباں ہی رہا​

مدتوں دل اور پيکاں دونوں سينے ميں رہے

آخرش دل بہہ گيا خوں ہو کے پيکاں ہی رہا​

اب کو ديکھا اس سے اور اس کو نہ ديکھا جوں نظر

وہ رہا آنکھوں ميں اور آنکھوں میں پنہاں ہی رہا​

آگے زلفيں دل ميں بستی تھيں اور اب آنکھيں تِری

ملکِ دل اپنا ہميشہ کافرستاں ہی رہا​

مجھ ميں اس ميں ربط ہے گويا برنگ بوئے گل

وہ رہا آغوش ميں،۔ ليکن گريزاں ہی رہا​

دين و ايمان ڈھونڈتا ہے ذوقؔ کيا اس وقت

اب نہ کچھ ديں ہی رہا باقی نہ ايماں ہی رہا​

ابراہیم ذوق