عارفانہ کلام نعتیہ کلام
زندگی یہ نہیں ہے کسی کے لیے
زندگی ہے نبیؐ کی نبیﷺ کے لیے
نا سمجھ مرتے ہیں زندگی کے لیے
جینا مرنا ہے سب کچھ نبیؐ کے لیے
چاندنی چار دن ہے سبھی کے لیے
ہے صدا چاند عیدالنبیﷺ کے لیے
انت فیہم کے دامن میں مُنکر بھی ہیں
ہم رہے عشرتِ دائمی کے لیے
عیش کر لو یہاں منکرو! چار دن
مر کے ترسو گے اس زندگی کے لیے
داغِ عشق نبیﷺ لے چلو قبر میں
ہے چراغ لحد روشنی کے لیے
نقشِ پائے سگانِ نبیﷺ دیکھیے
یہ پتہ ہے بہت رہبری کے لیے
صلح کُلی نبیﷺ کا نہیں سُنیو
سُنی مُسلم ہے سچا نبیﷺ کے لیے
وہﷺ بُلاتے ہیں، کوئی یہ آواز دے
دم میں جا پہنچوں میں حاضری کے لیے
اے نسیمِ صبا! ان سے کہہ دے شہاﷺ
مضطرب ہے گدا حاضری کے لیے
جن کے دل میں ہے عشقِ نبیؐ کی چمک
وہ ترستے نہیں چاندنی کے لیے
جن کے دل میں ہیں جلوے تِرےؐ عشق کے
چشمۂ نور ہیں روشنی کے لیے
اختر قادری خُلد میں چل دیا
خُلد وا ہے ہر اک قادری کے لیے
اختر رضا قادری بریلوی
No comments:
Post a Comment