منزلیں کچھ اور ہیں اور رہگزر کچھ اور ہے

منزلیں کچھ اور ہیں اور رہگزر کچھ اور ہے 

آبلے کچھ اور ہیں، لطفِ سفر کچھ اور ہے

تیری نظروں میں ہے سورج میری نظروں میں شرر 

مجھ پہ ظاہر اور ہے،۔ تیری نظر کچھ اور ہے

آپ پر قربان ہوں بزمِ طرب کی رونقیں

میرا حاصل اور ہے مجھ کو ثمر کچھ اور ہے

لذتِ گِریہ الگ ہے،۔ خواہشِ گِریہ الگ 

درد دل کے اور ہیں زخمِ جگر کچھ اور ہے

ؔبے سبب سمجھو نہ تم آہ و فغاں میری اسد 

آہ میری اور ہے اس کا اثر کچھ اور ہے

اسد لکھنوی