اب صاحب دوراں آتے ہیں، اب فاتحِ میداں آتے ہیں
وہ شیر تو شیرِ قالیں تھے، اب شیرِ نیستاں آتے ہیں
جو تند بگولوں سے الجھے، وہ عزمِ سفر کی بات کرے
اس منزل کے رستے میں کتنے ہی بیاباں آتے ہیں
آہنگ و تفنگ و تیر میں ہم، گاتے ہیں سرودِ آزادی
تسلیم کہ ساحل والوں نے اک سیل خراماں روک دیا
ساحل کا نشاں تک مٹ جائے، کچھ ایسے بھی طوفاں آتے ہیں
ہم ایسے امن پسندوں کو الحاد کا طعنہ دیتے ہیں
اس بزم میں خنجر در دامن جتنے بھی مسلماں آتے ہیں
قاتل بھی ظہیرؔ اب دامن کے دھبوں کو چھپاتا پھرتا ہے
اس دھج سے مَل کے چہروں پر ہم خونِ شہیداں آتے ہیں
ظہیر کاشمیری
No comments:
Post a Comment