عارفانہ کلام حمدیہ کلام
عظمتوں کا نشاں ہے تیرا نام
اک حسیں داستاں ہے تیرا نام
مجھ کو تجھ سے شکایتیں کیا کیا
پھر بھی وردِ زباں ہے تیرا نام
دل میں یہ جذبے ہی سہی، لیکن
میری راہوں میں روشنی اس سے
سر بہ سر کہکشاں ہے تیرا نام
زندگی حادثوں کی دھوپ کڑی
دھوپ میں سائباں ہے تیرا نام
کتنی وسعت ہے اس کے معنوں میں
کس قدر بے کراں ہے تیرا نام
دل نشیں داستاں ہے یہ دنیا
حاصلِ داستاں ہے تیرا نام
تیری عظمت سے انحراف جنہیں
ان پہ بھی مہرباں ہے تیرا نام
ہر زباں پر ہیں تذکرے تیرے
ہر زباں پر رواں ہے تیرا نام
صرف اس کو ثبات حاصل ہے
دہر میں جاوداں ہے تیرا نام
زندگی بخش اس کو شیرینی
یعنی اردو زباں ہے تیرا نام
عرشؔ سے کوئی صرف یہ پوچھے
شاعری میں کہاں ہے تیرا نام
عرش صہبائی
No comments:
Post a Comment