والہانہ مِرے دل میں مِری جاں میں آ جا
میرے ایماں میں مِرے وہم و گماں میں آ جا
موند ان آنکھوں کو صاحب نظراں میں آ جا
حدِ نظارگیٔ کون و مکاں میں آ جا
آیتِ رحمتِ یزداں کی طرح دل میں اتر
تجھے سینے سے لگا لوں تجھے دل میں رکھ لوں
درد کی چھاؤں میں زخموں کی اماں میں آ جا
کچھ تو ایمائے کرم ہو نگۂ زخم نواز
اب کے ابروئے کشیدہ کی کماں میں آ جا
رونقِ جاں نہ سہی صورتِ آسیب سہی
میرے اجڑے ہوئے تاریک مکاں میں آ جا
ہے تمنائے سکوں دل کو تو قیسیؔ کی طرح
حلقۂ درد محبت زدگان میں آ جا
عزیز قیسی
No comments:
Post a Comment