فلک پہ تیر چلانا بھی مجھ کو آتا ہے

فلک پہ تیر چلانا بھی مجھ کو آتا ہے

فغاں سے حشر اٹھانا بھی مجھ کو آتا ہے

خفا جو ہو تو منانا بھی مجھ کو آتا ہے

کسی کو راہ پہ لانا بھی مجھ کو آتا ہے

جو بس چلے تو بھلانا بھی مجھ کو آتا ہے

کبھی پلٹ کے نہ آتا بھی مجھ کو آتا ہے

ترے فراق میں جو اشک پہ لئے میں نے

انہیں مِژہ پہ سجانا بھی مجھ کو آتا ہے

الٰہی خیر، کہا اس نے کس کے بارے میں

نظر سے اپنی گرانا بھی مجھ کو آتا ہے

نقاب الٹ کے بہ صد برہمی کہا اس نے

بپھر کے سامنے آنا بھی مجھ کو آتا ہے

تجلیِ رخِ جاناں کا آئینہ ہوں نصیرؔ

دل و نگاہ پہ چھانا بھی مجھ کو آتا ہے

سید نصیرالدین نصیر