فلمی گیت
بے چین نظر، بے تاب جگر
یہ دل ہے کسی کا دیوانہ
ہائے دیوانہ
کب شام ہو اور کب شمع جلے
کب اڑ کر پہنچے پروانہ
ہے دل کا چمن کھلنے کے لیے
آئے گا کوئی ملنے کے لیے
پھولوں سے کہو، تاروں سے کہو
چپکے سے سجا دیں ویرانہ
ہائے ویرانہ
جب رات زرا شبنم سے دُھلے
لہرائی ہوئی اک زلف کھُلے
نظروں سے نظر اک بھید کہے
دل دل سے کہے اک افسانہ
ہائے افسانہ
رنگین فضا چھائے تو زرا
وعدے پہ کوئی آئے تو زرا
ہے جوشِ وفا، دل چیز ہے کیا
ہم جان بھی دے دیں نذرانہ
ہائے نذرانہ
جاں نثار اختر
No comments:
Post a Comment