تو ہی خود ہے جب بنائے درد دل

تُو ہی خود ہے جب بِنائے دردِ دل

درد ہی دینا خدائے دردِ  دل

ہم  سنائیں ماجرائے دردِ  دل

گر ہو کوئی آشنائے دردِ  دل

مبتلائے عشق پر ہنستے ہو جب

کیا کرو گے تم دوائے دردِ  دل

تم مریضِ غم کا پوچھو تو مزاج

آئے گی آواز، ہائے دردِ  دل

مرتے دم تک بھی گیا دل سے نہ یہ

دیدنی ہے یہ وفائے دردِ  دل

ہم بتا دیں خود تجھے اپنا علاج

وصل ہے تیرا دوائے دردِ  دل

حضرتِ بیدلؔ دعا مانگا کرو

ہو نہ کوئی مبتلائے دردِ  دل

بیدل بیکانیری

عبداللہ بیدل