کیوں ملاتا ہے ہاں میں ہاں سمجھ لیتے
کاش اس حقیقت کو نکتہ داں سمجھ لیتے
غم کی بے پناہی نے کھول دی گِرہ دل کی
ورنہ دردِ پنہاں کو وہ کہاں سمجھ لیتے
نالۂ شبِ ہجراں، کتنا درد آگیں ہے
کاش اس اذیت کو جانِ جاں سمجھ لیتے
جور جو سوا ہوتا اور اس سے کیا ہوتا
ان کی مہربانی کو، جاوداں سمجھ لیتے
حرف کوئی کیوں آتا، عظمتِ گلستاں پر
حالِ دل جو پھولوں کا باغباں سمجھ لیتے
وہ تو یہ ہوا حسرت! جھلملا گیا ٹیکہ
ورنہ ہم جبیں کو ہی آسماں سمجھ لیتے
حسرت شادانی
عبدالقادر
No comments:
Post a Comment