میں خوش کیسے رہ سکتا ہوں
سب کے پاس سب کچھ ہے
سب کی مرادیں پوری ہو گئیں
سب کے خواب
تعبیر کا رس پا کر رسیلے ہو گئے
اور میں؟
میرے خواب
آج بھی خواب ہیں
میری مرادیں
مجھے نامرادی کے داغ سوا کچھ نہیں دے سکیں
میں خوش کیسے رہ سکتا ہوں
جبکہ میں نے کبھی ان کی طرف نہیں دیکھا
جن کے پاس وہ نہیں
جو میرے پاس ہے
بلکہ ان کو دیکھا
جن کے پاس وہ ہے
جو میرے پاس نہیں
میں خوش کیسے رہ سکتا ہوں
جیم جاذل
No comments:
Post a Comment