تو میری عادتوں میں ذرا بھی نہ ڈھل سکا

تُو میری عادتوں میں ذرا بھی نہ ڈھل سکا

پھر بھی چلوں گا ساتھ  میں جتنا بھی چل سکا

تُو زندگی میں سامنے آئے گا جب کبھی

میں راستہ بدل لوں گا گر میں بدل سکا

دنیا میں کامیابی سمیٹوں گا ایک دن 

جانی تِرے خیال سے گر میں نکل سکا

اک دن چلاؤں گا اسے میں آسمان پر

جو دل کا کاروبار زمیں پر نہ چل سکا

اس بار بے وفائی کی ایسی ہوا چلی

جانی سنبھل سکا تُو نہ میں ہی سنبھل سکا

میں ہوں چراغِ  شامِ تمنا کہ جس کو جون

زورِ ہوا بھی راس تھا پھر بھی نہ جل سکا

جون ثانی