خدا کے ہاں جب موازنۂ اُمم ہوا ہے
علیؑ کے بندوں کا نام پہلے رقم ہوا ہے
کہ گھر کے ملنے پہ جتنا ہوتا غریب ہے خوش
مِرے جنم پر بھی اُتنا ہی خوش اَلم ہوا ہے
غموں کی تعداد سے مجھے اب یہ لگ رہا ہے
یہ دل ہے کعبہ کہ سینہ صحنِ حرم ہوا ہے
وہاں سے جاتے ہوئے رُکا میں یہ دیکھ کر بس
کہ پیدا کتنی حسیں جبینوں پہ خم ہوا ہے
جہاں سے حملہ ہوا ہے، میں نے کہا تھا پہلے
کہ کوئی کھٹکا وہاں خدا کی قسم، ہوا ہے
دانش درانی
No comments:
Post a Comment