ایک مُسافر کی مجبوری سمجھو ناں
ذرے سے مہتاب کی دُوری سمجھو ناں
خانہ بدوشوں کی پُشتوں پہ رکھی ہے
روشن مُسقبل کی بوری سمجھو ناں
تم نے اُونچائی کی جانب پھینکا ہے
نیچے گِرنا بھی تو ضروری سمجھو ناں
پِچھلے رُت کی نٹ کھٹ راتو! سو جاؤ
کان دھرو حالات کی لوری سمجھو ناں
مغرب کی پستی میں سُورج گِرنے دو
بزمِ ستاراں کی کمزوری سمجھو ناں
موجوں کو بھی آزادی کی خواہش ہے
پاؤں میں ہے ساحل کی ڈوری سمجھو ناں
میرے عہد کی بُلبل خُوب سمجھتی ہے
کام نہ آئے گی مُنہ زوری سمجھو ناں
رہبر سلطانی
No comments:
Post a Comment