یہ دردِ عشق شروعات میں مزہ دے گا
پھر اس کے بعد یہ پاگل تجھے بنا دے گا
لگائے بیٹھے ہیں اُمید بے وفا سے ہم
وفا کا جام کبھی تو ہمیں پِلا دے گا
مِرا طبیب ہی جب مُبتلا ہے خود غم میں
مِرے مرض کی بھلا کیا مجھے دوا دے گا
کسی کے سامنے ہرگز نہ ہاتھ پھیلاؤ
خُدا نے رزق کا وعدہ کِیا، خُدا دے گا
تمام عُمر تھا جو مُبتلا گُناہوں میں
سُنا ہے شخص وہی اب ہمیں سزا دے گا
یقین خُود سے زیادہ تھا جس پہ مُجھ کو تقی
خبر نہیں تھی یہ مُجھ کو وہی دغا دے گا
تقی ککراوی
No comments:
Post a Comment