ہُو کے عالم میں بھی اک شور سُنائی دے گا
جو سماعت کو بہت میٹھا سُجھائی دے گا
حیف نفرت کے جزیروں میں بھٹکتے رہ کر
ایک انسان محبت کی دُہائی دے گا
ایک دن لوگ محبت سے شناسا ہوں گے
اور یہ ساز بہت دُور سنائی دے گا
ایک دُنیا مجھے روتے ہوئے رُخصت ہو گی
اور اِک شخص کہیں بھی نہ دِکھائی دے گا
گو کہ ہر سمت میں پھیلا ہے اندھیرا باسط
کوئی ہو گا جو اندھیرے میں دِکھائی دے گا
باسط علی راجہ
No comments:
Post a Comment