یہ آنسو روک رکھے ہیں بہ مشکل دن گزارے ہیں

 یہ آنسُو روک رکھے ہیں بہ مُشکل دن گُزارے ہیں 

تمہیں دِکھتے نہیں ہیں جو سبھی وہ غم تمہارے ہیں 

کُھلی زُلفیں ہنسی چہرہ تمہاری جھیل سی آنکھیں 

ہمیں پاگل نہ کر دیں یہ بہت دلکش نظارے ہیں 

ہماری اُنگلیوں سے آج تک خُوشبو نہیں جاتی 

کسی کے ریشمی گیسُو کبھی اتنے سنوارے ہیں 

کسے ٭وِشواس ہو گا ہم مِلن ٭تٹ چھُو نہیں پائے 

رہے نزدیک یوں جیسے ندی کے دو کنارے ہیں 

مہاجر ہو گیا ہوں دیو! کچھ مجبوریوں خاطر 

جواں ہونے لگے بچے بہت خرچے ہمارے ہیں

دویش دکشت دیو

٭وِشواس: اردو معنی؛ اعتبار، بھروسہ، اعتماد، یقین، عقیدہ، ایمان

٭تَٹ: اردو معنی؛ نہر، دریا، سمندر کا کنارہ، ساحل، گھاٹ، ڈھلوان