قید آپ اپنے ہی میں رہا ہوں غلط نہیں

 قید آپ اپنے ہی میں رہا ہوں غلط نہیں

میں صورت خیال جیا ہوں غلط نہیں

پانی کا بلبلہ ہے حقیقت میں زندگی

پھر بھی میں واہموں میں پڑا ہوں غلط نہیں

آئینہ دیکھتا ہے مجھے آئینے کو میں

یوں عکس عکس ٹوٹ گیا ہوں غلط نہیں

سائے کو میرے دیکھ کے یہ مان لیں گے آپ

میں آپ اپنے قد سے بڑا ہوں غلط نہیں

پریمی اگر کہوں کہ کسی کے بغیر میں

خود سے بھی اجنبی ہی رہا ہوں غلط نہیں

پریمی رومانی