سب مشکلوں کا حل تو ہی رب کریم ہے

 عارفانہ کلام حمد نعت مقبت

سب مشکلوں کا حل تُو ہی ربِ کریم ہے

اور ذات پاک تیری غفور رحیم ہے

ذی قدر و ذی جلال تُو ذی شان و ذی شرف

تیری ہی بندگی تو راہِ مستقیم ہے

عزم و یقین و ضبط کا ہر مسئلے کا حل

اک درس گاہ تیرا کلام کریم ہے

دونوں جہاں کا کاتب تقدیر ہے تُو ہی

تُو مالکِ جہان بہت ہی عظیم ہے

اس کائنات میں کہ نہیں جس کو کچھ دوام

جو چیز بھی ہے تیرے ہی دم سے مقیم ہے

ہیں تیری جستجو میں علینا كے ذہن و دِل

یہ حمد بھی نتیجۂ طبعِ سلیم ہے

علینا عترت