بحر جذبات میں آیا ہے تلاطم کیسا

 ارمان

بحرِ جذبات میں آیا ہے تلاطم کیسا

میں جو بکھرا ہوں تو اب مجھ کو سمٹنا ہو گا

میں نے کیا کیا نہ کیا دل کے بہلنے کے لیے

مجھ کو معلوم ہے ہر غم سے نمٹنا ہو گا

سرِ بازار تماشے کی طرح ہیں ارماں

چارہ گر کوئی مداوا تو نہیں ہے دل کا

میں نے کوشش تو بہت کی کہ سکوں پا جاؤں

دل مگر آج بھی ہے کل کی طرح بے چارہ

خیر آباد نہیں ہے تو نہ آباد سہی

ویسے برباد ہی ہے دل تو کوئی بات نہیں

کون سا وقت ہے وہ جس میں نہیں ذکر تِرا

کون سا لمحہ ہے وہ جس میں تِرا ساتھ نہیں

آرزو کر کے بھی کیا فائدہ ہو گا دل کو

کوئی ارماں کبھی شرمندۂ معنی نہ ہوا

ہائے جینے کے لیے دل کو تسلی دی تھی

لمحۂ زیست کوئی وجہِ تسلی نہ ہوا

رحمان جامی