میں نے دیکھا ہے اس زمانے میں

 تین نا مکمل غزلیں

میں نے دیکھا ہے اس زمانے میں 

لوگ ماہر ہیں دل دُکھانے میں 

خواہشیں اس طرح سے رکھی ہیں 

جیسے لاشیں ہوں سرد خانے میں 

اب تو کچھ بھی نہیں بچا باقی 

دیر کر دی ہے تم نے آنے میں

٭٭٭٭٭٭٭٭٭٭

اس بار موسموں کا تغیر عجیب تھا

کوئی پرندہ اُڑ کے شجر سے نہیں گیا

میری سحر کہیں تو میری شام ہے کہیں

کر کے قیام بھی میں سفر سے نہیں گیا

٭٭٭٭٭٭٭٭٭٭

صحرا مجھ میں جنگل مجھ میں

اُڑتے ہیں کیا بادل مجھ میں

کیسے چھپاؤں میں دنیا سے

مہکے اُس کا صندل مجھ میں

ظفر محی الدین