دریا کھنگالنا مِرا آسان کر گیا
تہہ میں اتار کے مجھے خود ہی بھنور گیا
کیوں ہیں چراغ پر یہ ہوائیں چراغ پا
لگتا ہے کوئی کان ہواؤں کے بھر گیا
دنیا کے اس سفر میں ضروری ہے ہمسفر
ورنہ سمجھیۓ آپ کا لطفِ سفر گیا
منصف میں تیرے عدل کی تعریف کیا کروں
الزام اس کے قتل کا اس کے ہی سر گیا
جب تک تھا سر پہ چاند تھا دریا شباب پر
ڈھلتے ہی چاند دریا کا پانی اتر گیا
دنیا کی ٹھوکروں میں یقیناً رہے گا تو
مالک کا در جو چھوڑ کے زاہد اگر گیا
تجمل حسین زاہد
No comments:
Post a Comment