تیری سانسوں میں رفو شام میں رکھا ہوا میں
اِک دِیا وقت کے اہرام میں رکھا ہوا میں
تُو سمندر کے کسی خواب کا اوڑھا ہوا دن
اور تہہِ وحشتِ صد کام میں رکھا ہوا میں
میں تِرے شہر کے موسم کی کسی شام کا دُکھ
اور کسی کوچۂ گُمنام میں رکھا ہوا میں
شب کی دیوار سے لِپٹی ہوئی آکاس کی بیل
اور یادوں کے در و بام میں رکھا ہوا میں
تُو مِری ذات کے مندر میں بھٹکتی ہوئی چیخ
اور اس چیخ کے کُہرام میں رکھا ہوا میں
میں تِری یاد کے پہلو میں گزارا ہوا دن
اور تِری زُلفِ سیاہ فام میں رکھا ہوا میں
حسن مسعود
No comments:
Post a Comment