یہ سلوٹ وقت کے ماتھے پہ کچھ اچھا نہیں لگتا
کہ چہرہ آئینے میں دیر تک اپنا نہیں لگتا
تِری یادوں کی خوشبو یوں ہمیشہ ساتھ رہتی
میں تنہائی میں گھر کر بھی کبھی تنہا نہیں لگتا
نہ سنگریزے، نہ خارِ گل، نہ تلوے خونچکاں اپنے
نہ جانے کیوں تِرے کوچے کا یہ رستہ نہیں لگتا
مِرے شعروں میں آصف کیوں سبھی ڈھونڈیں نیا آہنگ
انہیں کیا میر و غالب سا مِرا لہجہ نہیں لگتا
آصف دسنوی
No comments:
Post a Comment