اب ہے سپاہِ عشق کا مجھ پر حصار تنگ
پڑتی دکھائی دیتی ہے راہِ فرار تنگ
اک بے کلی ہے ہونے نا ہونے کے درمیاں
بڑھنے لگا یقیں، تو ہوا اعتبار تنگ
اس وسعتِ خیال کی دولت کو کیا کروں
سوچیں وسیع تر ہیں، مگر اختیار تنگ
پانچ ایک لوگ حلقۂ یاراں میں ہیں مرے
اک آدھ سے میں تنگ ہوں اور مجھ سے چار تنگ
میں انتہائے کرب کے عالم میں ہنس پڑا
پھرتی ہے مجھ سے گردشِ لیل و نہار تنگ
وسیم حیدر جعفری
No comments:
Post a Comment