جنوں کا دور ہے کس کس کو جائیں سمجھانے

جنوں کا دور ہے کس کس کو جائیں سمجھانے

اِدھر بھی ہوش کے دشمن، اُدھر بھی دیوانے

کسی میں دم نہیں، اہلِ ستم سے کچھ بھی کہے

ستم زدوں کو ہر اک آ رہا ہے سمجھانے

فصیلِ باغ سے یہ آندھیاں رکیں گی کہیں 

چمن کی سمت بڑھے آ رہے ہیں ویرانے

یہ جبرِ زیست، محبت پہ کب تلک آخر

کہ دل سلام کرے اور نظر نہ پہچانے

اس ارتقائے تمدن کو کیا کہوں ملاؔ

ہیں شمعیں شوخ تر، آوارہ تر پروانے

آنند نرائن ملا