فضائے صحنِ گلستاں ہے سوگوار ابھی
خزاں کی قید میں ہے یوسفِ بہار ابھی
ابھی چمن پہ چمن کا گماں نہیں ہوتا
قبائے غنچہ کو ہونا ہے تار تار ابھی
ابھی ہے خندۂ گل بھی اگر تو زیر لبی
چمن تو خیر چمن ہے، نوا گروں کو نہیں
خود اپنی شاخِ نشیمن پہ اختیار ابھی
ابھی امید کی سرسوں کہیں نہیں پھُولی
بسنت کا ہے زمانے کو انتظار ابھی
تہی سبوئی کسی کی یہ کہہ رہی ہے شریف
نظامِ مے کدہ بدلے گا ایک بار ابھی
شریف کنجاہی
No comments:
Post a Comment