عارفانہ کلام حمد نعت منقبت
عباسؑ کا وہ غیض وہ تیور جلال کے
خود موت رکھ رہی تھی قدم دیکھ بھال کے
اصغرؑ کو مانگا شاہؑ نے کلیجا سنبھال کے
ہاتھوں پہ ماں نے رکھ دیا دل کو نکال کے
پانی کیا طلب تو اجل نے کیا سلام
یوں بھی جواب ملتے ہیں اکثر سوال کے
انسان کے دل کا وزن کیا تھا حسینؑ نے
میزان موت میں علی اصغرؑ کو ڈال کے
کوثر اُنہیں ملا، اُنہیں فردوس مل گیا
جو مدح خواں رہیں ہیں محمدؐ کے لعل کے
بتلا رہی ہے شامِ غریباں کی بے کسی
گیسُو بکھر چکے ہیں محمدؐ کے آلؑ کے
پیشانئ نماز جھکا دی حسینؑ نے
مینا یزیدِ نحس کو دوزخ میں ڈال کے
مینا کماری ناز
ماہ جبیں ناز
No comments:
Post a Comment