عارفانہ کلام حمد نعت منقبت
دلِ مُنیر کی حسرت ہے ایک نعت لکھوں
کمالِ جلوۂ جاناں کے منقبات لکھوں
ہے اضطراب مگر کیسے کس شجاعت سے
حقیر قلمِ سخن سے میں کس کی ذات لکھوں
تجلّیوں کے تسلسل کی ابتداء تو ہے
الوہیت کے تصوّر کی ارتقاء تو ہے
خدا خود ہی تیری پاکی بیان کرتا ہے
میں کیسی قوّتِ جُنبش سے تیری نعت لکھوں
عروج وہ کہ فلک پر خدا سے ملتے ہو
یہ سادگی بھی تیری جھونپڑی میں رہتے ہو
جہاں ستارے تیری گرد کے خواہاں تھے
وہاں کی حق سے تیری کیسے ملاقات لکھوں
وہ بادشاہِ عرب ہو کے زمیں پر سوئے
وہ اُمتی کے لیے اُٹھ کے رات بھر روئے
عظیم تر میرے نبیﷺ کے خیالات لکھوں
لہو جگر کا ضرورت ہے ایسی بات لکھوں
ہر ایک بات میں سب کی خرد سے بالا ہے
میرا حضورؐ جو نبیوں میں سب سے اعلیٰ ہے
شقِ قمر لکھوں کہ بدر میں فتح تیری
حِرا کی شام کہ معراج کی وہ رات لکھوں
قیس بلال
No comments:
Post a Comment